Sporti është një faktor krucial për të gjithë e sidomos për femrat ku për shkak të mentalitetit të shoqërisë femrat  kanë qenë të shtypura, të lënura jashtë dhe më pasive në të gjitha fushat duke përfshirë edhe sportin ku gjithmonë meshkujt dominojnë.

Për shkak të kësaj qështje dhe rëndsisë së saj u organizua edhe një konferencë me emrin “Barazia gjinore dhe diversiteti”, e organizuar nga Komiteti Olimpik i Kosovës dhe Komisioni i përhershëm i KOK dhe organizata, “Femra dhe Sporti” ku në të merrnin pjesë përfaqsues të federatave e klubeve të ndryshme, ish-sportiste, deputete e ftyra tjera që kishin të bëjnë me sportin. Qëllimi i kësaj konference ishte krijimi i një ambienti të përshtatshëm për zhvillimin e sportit nga femrat, kjo konferencë rezultoi me sukses dhe mjaft interaktive ku u paraqiten 15 rekomandime që do të mbështesnin femrat dhe pjesëmarrjen e tyre në sport.

Përveq kësaj edhe “Ministria e Kulturës, Rinisë dhe Sportit” zhvillon një program që mbështet zhvillimin e sportit tek femrat duke u bazuar në vështirësitë qe femrat hasin. Objektivi i këtij programi është që të sensibilizojë opinionin  për sportin femëror dhe gjithëpërfshirjen e femrës në sport.

Femrat edhe pse më pasive kjo nuk do të thotë se munguan në të gjitha sportet, vlen të përmenden arritjet e femrave ne sportin e xhudos ku Majlinda Kelmendi, Nora Gjakova,Distria Krasniqi dhe Loriana Kuka i sollë Knosovës medalje nga gara të ndryshme pavarësisht ato me karakter kombëtar apo ndërkombëtar.

Për shkak të mungesës së aftësive bashkëpunuese femrat dhe në përgjithësi sportistët në Kosovë nuk po arrijnë rezultate pozitive apo sukses në sportet kolektive por vetëm ato individuale siq janë: xhudo, karate, not etj.

Faktor tjetër që ndikuan në mospërfshirjen e femrave në sport është edhe ndikimi I luftës së fundit dhe pushtuesit serb ku edhe arsimi në gjuhën shqipe u ndalua rreptësisht e lëre mos të flasim për krijimin e klubeve sportive për femra. Poashtu edhe mentaliteti I popullit të Kosovës ku ende ndihet ndikimi I madh I roleve tradicionale gjinore ku gjinia mashkullore është e fortë dhe më agresive kurse gjinia femërore e butë, sensitive etj.

SPORT	GJITHSEJ	FEMRA	MESHKUJ
SHENJËTARIA	864	320	544
XHUDO	739	181	558
KICK BOX	101	16	85
MUNDJE	572	2	570
NOTI	238	82	156
ATLETIKË	791	265	526
PING PONG	417	166	251
BOKS	547	7	540
HENDBOLL	6040	2020	4020
FUTBOLL	9020	87	8933
ÇIKLIZMI	164	55	109
TENIS	495	145	350

 

Sipas këtyre statistikave shihet qartas gjendja e femrave dhe përfshirja e tyre në sport ku shihen përmisime por edhe ngecje në fusha të caktuara siq është edhe futbolli.

Prandaj është e nevojshme mbështetje e vazhdueshme e të gjitha institucioneve adekuate dhe mediave që përmes kampanjave, programve të ndryshme të rrisin vetëdijësimin e femrave që të përfshihen në sporte të caktuara.

---

Ju gjithashtu mund të pëlqeni

• Arsimimi si pasojë e pandemisë
• PJESËMARRJA E GRAVE NË VENDIMMARRJE NË KOSOVË
• Video mesazh me temë “Konventa për të Drejtat e Fëmijëve”.